နှောင်း

ရည်စူး​ပြီး​ဖူး​ခဲ့​ပေ​မယ့်
ချိန်​ခါ​သင့်​မ​ပွင့်​တတ်​ခဲ့​တော့
ပန်းဦး​လည်း...လွဲ​ခဲ့​ရ​ပြီ​မေ
ရင်​တ​ခု​လုံး​ဝေ​နေ​အောင်
အလွမ်း​တွေ​ပွင့်​ခဲ့​ပေ​မယ့်
မေ​မ​သိ​ခဲ့​တော့​လည်း
နွမ်း​ပါ​စေ...
ကြွေ​ပါ​စေ...
ရှိ​ပါ​စေ​တော့...မေ
ပွင့်​ရာ​က​ကြွေ
ကြွေ​ရာ​က​နွမ်း
ဒါ​ပေ​မယ့်​လေ
တိုက်ဆိုင်​တတ်​တဲ့​အခါ​တိုင်း
ဟိုး​အရင်​က​အကြောင်း​တွေ​ကို​တော့
ရိုး​ရိုးသား​သား...လွမ်း​ပါ​ရ​စေ
လွမ်း​နေ​ပါ​ရ​စေ...မေ။   ။

   ''အချစ်​ဆို​တာ''
တ​နေ့⁠နေ့​တ​ချိန်⁠ချိန်​ကို​စောင့်စား​ရင်း
ရင်​တ​ခု​လုံး​ဝေ​နေ​အောင်​ပွင့်​ခဲ့​ရ​တဲ့​အလွမ်း
ပြော​ဖို့​သိမ်းထား​ခဲ့​တဲ့​စကား​တွေ
ထင်မှတ်​မ​ထား​တဲ့​အချိုး​အကွေ့​တ​ခု​မှာ
ပြော​ခွင့်​မ​ရှိ​တော့​တဲ့​အခါ
မ​ခြွေ​ပေ​မယ့်​ကြွေ​ခဲ့​တယ်။   ။